动漫资讯

原创动画《白箱》剧场版观后感,看得开心就好

好似好耐都无看过一部会令我同时笑得好开心,又令我有啲感触而落泪嘅电影。水岛努导演嘅《白箱》推出剧场版,今年年初喺日本上映,年底终于轮到香港观众有得看。《剧场版 白箱》大概只系将制作动画嘅流程同当中会遇到嘅困难重新包装一次,重复武藏野动画公司经历低潮后再次反弹嘅戏码,但系导演手法丰富,熟悉嘅角色逐一登场,简直就系大放送。(虽则大部分角色对故事发展无咩实际意义,只系为咗满足 fans 而昙花一现)

  • 看得开心为主

最近(又嚟,因为工作同梦想之间嘅纠结,所以)心情超差,以为看《剧场版 白箱》呢类题材系“唔好放弃梦想,要勇敢追梦”嘅作品会忍唔住爆喊;最后,都叫做有偷偷地流咗一两滴眼泪嘅。无爆喊,但有爆笑,由头笑到落尾,笑得好开心。《剧场版 白箱》嘅喜剧元素贴近潮流,特别系有好多讽刺日本动画业界嘅疯狂剧情,然后又有恶搞其他动画、水岛努导演自己嘅作品嘅情节,动画迷一定识笑,而且会笑得好开心。

  • 剧情起伏唔大但系表达手法丰富

奋斗故事当然少不免要出现热血同沉沦交错嘅剧情。今次《剧场版 白箱》主线故事喺呢两方面都未去到极端,主角群嘅经历其实都系一啲十常八九嘅不如意事,比较单调,唔够元气尽情爆发。好在导演手法层出不穷,加插咗歌舞、戏中戏等等奇特嘅戏剧元素,二次元里面再有二次元,我觉得气氛做得一啲都唔差。另外,角色嘅肢体语言同埋对白浮夸得嚟华丽,吸引观众眼球嘅影像经常出现,完全唔会觉得闷。

  • 信息大爆炸

剧情虽然单调,但系信息量庞大。超多角色争住等出场,可能讲得嗰一两句对白就要退场,甚至乎只系得短暂嘅过场画面。武藏野动画公司极速完成一个 task 再接另一个 task,好似好坦白咁话你知,“我哋平时返工做嘢就系咁样赶头赶命㗎啦!”有看过电视动画嘅观众都应该会觉得剧场版交代角色工作内容嘅节奏好急,更何况系对《白箱》无乜概念嘅观众?观众即使知道一众角色嘅职位(因为有写),都可能未必知道大家要负责做啲咩或者实际做紧啲咩。“我知!制作动画啰!”嗯。

「美剧推荐」看完《艾蜜莉在巴黎》还可追看这6部类似的爱情喜剧!

上一篇

「韩国综艺推荐」2020年6部充满欢乐和搞笑的韩国综艺!

下一篇

你也可能喜欢

发表评论

插入图片

文章分类